ФАРМОНИ ПРЕЗИДЕНТИ ҷУМҳУРИИ ТОҷИКИСТОН
Дар бораи Агентии назорати давлатии молиявӣ ва мубориза бо коррупсияи ҷумҳурии Тоҷикистон
(Фармони Президенти ҷТ аз 06.04.2007 № 227, аз 18.09.2009 № 708, аз 28.01.2010 № 778, аз 18.10.2011 № 1151, аз 17.09.2012 № 1351, аз 8.01.2014 № 115, аз 27.12.2017 № 972)
Бо мақсади вусъат бахшидани низоми мубориза бар зидди ҳуқуқвайронкуниҳо ва ҷиноятҳои хусусияти коррупсионидошта, бартараф намудани такроркунии функсия ва ваколатҳои мақомоти идоракунии давлатӣ, таъмини шаффофият ва такмили фаъолияти назоратию ревизионӣ мутобиқи моддаи 69
Конститутсияи ҷумҳурии Тоҷикистон фармон медиҳам
1. Агентии назорати давлатии молиявӣ ва мубориза бо коррупсияи ҷумҳурии Тоҷикистон таъсис дода шавад.
2. Низомнома, Сохтори дастгоҳи марказӣ ва Нақшаи идоракунии Агентии назорати давлатии молиявӣ ва мубориза бо коррупсияи ҷумҳурии Тоҷикистон тасдиқ карда шаванд (
замимаҳои 1, 2, 3).
3. Муайян карда шавад, ки роҳбарияти Агентии назорати давлатии молиявӣ ва мубориза бо коррупсияи ҷумҳурии Тоҷикистон аз Директор, се муовин, аз ҷумла як муовини аввал иборат мебошад.
4. Шумораи ниҳоии кормандони Агентии назорати давлатии молиявӣ ва мубориза бо коррупсияи ҷумҳурии Тоҷикистон ба миқдори 479 воҳид (бе ҳайати хизматрасон), аз ҷумла Дастгоҳи марказӣ ба миқдори 201 воҳид муқаррар карда шавад
Маблағгузории нигоҳдории Агентии назорати давлатии молиявӣ ва мубориза бо коррупсияи ҷумҳурии Тоҷикистон дар соли 2007 аз ҳисоби маблағҳое, ки барои собиқ Кумитаи назорати давлатии молиявии ҷумҳурии Тоҷикистон ва Саридораи полиси андози Вазорати даромадҳо ва пардохтҳои давлатии ҷумҳурии Тоҷикистон барои соли дахлдор пешбинӣ шудаанд, анҷом дода шавад.
5. Муқаррар карда шавад, ки Агентии назорати давлатии молиявӣ ва мубориза бо коррупсияи ҷумҳурии Тоҷикистон мақоми назорати молиявӣ ва ҳифзи ҳуқуқ буда, ба он вазифаҳои собиқ Кумитаи назорати давлатии молиявии ҷумҳурии Тоҷикистон, Саридораи полиси андози Вазорати даромадҳо ва пардохтҳои давлатии ҷумҳурии Тоҷикистон, инчунин сохторҳои мубориза бар зидди коррупсия ва ҳуқуқвайронкуниҳои иқтисодии хусусияти коррупсионидоштаи Прокуратураи генералии ҷумҳурии Тоҷикистон ва дигар мақомоти ҳифзи ҳуқуқи ҷумҳурӣ гузошта мешаванд.
6. Санадҳои меъёрии ҳуқуқии дахлдори ҷумҳурии Тоҷикистон, ки фаъолияти собиқ Кумитаи назорати давлатии молиявии ҷумҳурии Тоҷикистон, Саридораи полиси андози Вазорати даромадҳо ва пардохтҳои давлатии ҷумҳурии Тоҷикистонро танзим менамуданд, то қабули санадҳои дахлдори меъёрии ҳуқуқии ҷумҳурии Тоҷикистон, ки фаъолияти Агентии назорати давлатии молиявӣ ва мубориза бо коррупсияи ҷумҳурии Тоҷикистонро танзим менамоянд, амал мекунанд.
7. ҳукумати ҷумҳурии Тоҷикистон:
- масъалаҳои ташкилӣ, молиявӣ ва моддии Агентии назорати давлатии молиявӣ ва мубориза бо коррупсияи ҷумҳурии Тоҷикистонро ҳал намояд;
- мутобиқи тартиби муқарраргардида қабулу супоридани биноҳои маъмурии давлатӣ, воситаҳои нақлиёт ва дигар воситаҳои моддии собиқ Кумитаи назорати давлатии молиявии ҷумҳурии Тоҷикистон ва Саридораи полиси андози Вазорати даромадҳо ва пардохтҳои давлатии ҷумҳурии Тоҷикистонро таъмин намояд;
- қарорҳои худро ба Фармони мазкур мутобиқ намояд;
- оид ба ворид намудани тағйиру иловаҳо ба санадҳои қонунгузории ҷумҳурии Тоҷикистон, ки аз ин Фармон бармеоянд, дар мӯҳлати ду моҳ таклиф пешниҳод намояд.
8. Сархати дуюми банди 1 Сохтори мақомоти марказии ҳокимияти иҷроияи ҷумҳурии Тоҷикистон, ки бо Фармони Президенти ҷумҳурии Тоҷикистон аз 30 ноябри соли 2006 №9 "
Дар бораи такмили сохтори мақомоти марказии ҳокимияти иҷроияи ҷумҳурии Тоҷикистон" тасдиқ шудааст, дар таҳрири зайл баён карда шавад:
"Агентии назорати давлатии молиявӣ ва мубориза бо коррупсияи ҷумҳурии Тоҷикистон".
9. Аз эътибор соқит дониста шаванд:
- Фармони Президенти ҷумҳурии Тоҷикистон аз 4 майи соли 1995 № 222 "Дар бораи политсияи андоз";
- Фармони Президенти ҷумҳурии Тоҷикистон аз 30 майи соли 2001 № 590 "Дар бораи табдил додани Раёсати назорати давлатии молиявии назди Президенти ҷумҳурии Тоҷикистон ба Кумитаи назорати давлатии молиявии ҷумҳурии Тоҷикистон";
- Сархати ёздаҳуми банди 1 Фармони Президенти ҷумҳурии Тоҷикистон аз 28 феврали соли 2006 № 1708 "Дар бораи сохтори Прокуратураи генералии ҷумҳурии Тоҷикистон".
Президенти
ҷумҳурии Тоҷикистон Э. Раҳмонов
аз 10 январи соли 2007 № 143
ш. Душанбе
________________________________________________________________________________
Замимаи 1
Бо
Фармони Президенти
ҷумҳурии Тоҷикистон
аз 10 январи соли 2007 № 143
тасдиқ шудааст
Низомномаи Агентии назорати давлатии молиявӣ ва мубориза бо коррупсияи ҷумҳурии Тоҷикистон
(Фармони Президенти ҷТ аз 29.04.2008 № 450, аз 06.04.2007 № 227, аз 18.09.2009 № 708, аз 18.10.2011 № 1151, аз 14.01.2012 № 1223, аз 17.09.2012 № 1351, аз 23.10.2017 № 954, аз 27.12.2017 № 972)
1. Муқаррароти умумӣ
1. Агентии назорати давлатии молиявӣ ва мубориза бо коррупсияи ҷумҳурии Тоҷикистон (минбаъд - Агентӣ) мақомоти ваколатдори назорати давлатии молиявӣ ва ҳифзи ҳуқуқи ҷумҳурии Тоҷикистон буда, назорати давлатии молиявиро оид ба самарабахшии истифодаи воситаҳо ва амволи давлатӣ барои таъмини амнияти иқтисодии давлат, бо роҳи пешгирӣ, ошкорсозӣ, огоҳсозӣ, рафъи ҳуқуқвайронкуниҳои коррупсионӣ, таҳқиқ ва тафтишоти пешакии ҷиноятҳои коррупсионӣ ва иқтисодии хусусияти коррупсионидошта иҷро менамояд.
2. Агентӣ дар фаъолияти худ
Конститутсияи ҷумҳурии Тоҷикистон, қонуни ҷумҳурии Тоҷикистон "
Дар бораи назорати давлатии молиявӣ", қонуни ҷумҳурии Тоҷикистон "
Дар бораи мубориза бар зидди коррупсия", қонуни ҷумҳурии Тоҷикистон "
Дар бораи фаъолияти оперативӣ-ҷустуҷӯӣ",
Кодекси мурофиавӣ-ҷиноятии ҷумҳурии Тоҷикистон ва дигар санадҳои меъёрии ҳуқуқии ҷумҳурии Тоҷикистон, инчунин санадҳои ҳуқуқии байналмилалии аз тарафи Тоҷикистон эътирофшуда ва ҳамин Низомномаро дастури амал қарор медиҳад
II. Ваколатҳои Агентӣ
3. Ваколатҳои Агентӣ инҳоанд:
- ташкил ва анҷом додани ревизия ва санҷишҳо оид ба иҷрои қисмҳои даромад ва хароҷоти буҷетҳои ҷумҳуриявӣ ва маҳаллӣ, фондҳои давлатӣ аз рӯи ҳаҷм, сохтор ва таъиноти мақсаднок, инчунин самаранокии хароҷоти воситаҳои давлатӣ ва истифодаи амволи давлатӣ
- таҳлили асоснокии қисмҳои даромад ва хароҷоти буҷети давлатӣ ва фондҳои давлатӣ
- назорат оид ба саривақт ва пурра маблағгузорӣ намудани барномаҳои давлатии инвеститсионӣ ва иҷтимоӣ, истифодаи мақсадноки воситаҳои аз буҷети ҷумҳуриявӣ барои рафъи оқибатҳои офатҳои табиӣ ҷудошаванда, инчунин тақсимоти кӯмаки башардӯстона ва техникии аз тарафи ҳукумати ҷумҳурии Тоҷикистон гирифташуда;
- назорат оид ба қабул, истифода ва нигоҳдории фонди давлатии металлҳо ва сангҳои қиматбаҳо, ки қисми таркибии захираҳои тиллоию асъори давлат мебошанд;
- санҷиши қонунӣ ва саривақтӣ будани гардиши воситаҳои буҷети давлатӣ ва фондҳои давлатӣ дар бонкҳои давлатӣ ва дигар ташкилотҳои молиявию кредитӣ
- назорат оид ба истифодаи мақсадноки захираҳои кредитӣ ва инвеститсияҳои хориҷии азҷониби ҳукумати ҷумҳурии Тоҷикистон ва Бонки миллии Тоҷикистон дар мувофиқа бо ҳукумати ҷумҳурии Тоҷикистон ҷалбшаванда;
- таҳлили фарқиятҳои ошкоршуда аз нишондиҳандаҳои тасдиқшудаи буҷети давлатӣ ва фондҳои давлатӣ ва таҳияи пешниҳодот ҷиҳати бартараф намудани онҳо;
- санҷиш ва таҳлили фаъолияти мақомоте, ки функсияҳои назорати дохилиидоравии молиявиро анҷом медиҳанд;
- назорати фаъолияти молиявию хоҷагии субъектҳои давлатии хоҷагидор, инчунин аз ҷониби онҳо таъмин гардидани нигаҳдории воситаҳои давлатӣ ва амволи давлатӣ
- амалӣ намудани назорати давлатии молиявӣ ва мубориза бо коррупсия дар тамоми шохаҳои ҳокимияти давлатӣ, мақомоти маҳаллии ҳокимияти давлатӣ ва худидоракунии маҳаллӣ, бонкҳо, ташкилотҳои ҷамъиятӣ, ҳизбҳои сиёсӣ, корхонаҳо, муассисаҳо ва дигар ташкилотҳо сарфи назар аз тобеият ва шакли моликият тибқи қонунгузории ҷумҳурии Тоҷикистон;
- муайян намудани самтҳои афзалиятноки мубориза бо коррупсия, аз рӯи нақшаи кории Агентӣ, ки аз тарафи Президенти ҷумҳурии Тоҷикистон тасдиқ карда мешавад ва дар мӯҳлатҳои муқарраршуда гузаронидани санҷишҳо;
- иштирок дар таҳия ва татбиқи барномаҳои мубориза бо ҷинояткорӣ дар ҷумҳурии Тоҷикистон;
- пешгирӣ, ошкоркунӣ ва рафъи амалҳои коррупсионӣ
- таъмини қонуният дар ҷараёни анҷомдиҳии мубориза бо коррупсия;
- таҳия ва амалисозии барномаҳо ва нақшаи чорабиниҳои мубориза бар зидди коррупсия;
- анҷомдиҳии фаъолияти оперативӣ-ҷустуҷӯӣ, таҳқиқ, тафтиши пешакӣ дар доираи пешбининамудаи қонунгузории ҷумҳурии Тоҷикистон;
- истифода ва нигаҳдории тавқифгоҳҳои дахлдори нигоҳдории муваққатӣ бо тартиби пешбининамудаи қонунгузории ҷумҳурии Тоҷикистон;
- тибқи қонунгузории ҷумҳурии Тоҷикистон муроҷиат намудан ба мақомоти судӣ бо аризаи даъвоӣ
- додани дастури ҳатмӣ ба шахсони воқеӣ ва ҳуқуқӣ ҷиҳати бартараф намудани сабабҳо ва шароити содир намудани ҷиноят ва дигар ҳуқуқвайронкуниҳои коррупсионӣ мусоидаткунанда;
- дар ҷараёни ревизия ва санҷишҳо мӯҳрзании кассаҳо, дастгоҳҳои кассавӣ, бино ва ҷои нигаҳдории ҳуҷҷатҳо, маблағҳои пулӣ ва арзишҳои моддӣ
- бо иштироки соҳибмулк ё намояндаи ӯ, дар ҳолати набудани онҳо ё рад кардан, бо иштироки намояндагони мақомоти худидоракунии маҳаллӣ, муоинаи объекҳои дахлдор, аз ҷумла воситаҳои нақлиёт, тафтиш ва ё гирифтани ашё, арзишҳои моддӣ ва ҳуҷҷатҳо тибқи қонунгузории ҷумҳурии Тоҷикистон;
- мувофиқи қонунгузории ҷумҳурии Тоҷикистон боздоштани амалиёти шахсони ҳуқуқӣ, ки субъекти соҳибкорӣ мебошанд, аз рӯи ҳисобҳо дар бонкҳо ва дигар ташкилотҳои молиявӣ ва таҳти ҳабс қарор додани маблағҳои пулӣ, қарзҳои дебиторӣ ва дигар дороиҳои шахсони мазкур дар ҳолатҳои ошкорсозии далелҳои ғайриқонунӣ анҷом додани фаъолияти иқтисодӣ, саркашӣ намудан аз ворид намудани пардохтҳо ба буҷет;
- мубориза ба муқобили қонунигардонии арзишҳои моддӣ ва маблағҳои пулии ғайриқонунӣ ба даст овардашуда ва ба расмият даровардани онҳо;
- дар доираи салоҳияти худ таъмин намудани ҳифзи маълумоти дорои сирри давлатӣ
- ташкил намудани тарбияи касбӣ, бозомӯзӣ, такмили ихтисос ва таҷрибаомӯзии кормандон ва фаъолияти илмию тадқиқотӣ, таълимӣ ва нашриётӣ
- мутобиқи қонунгузории ҷумҳурии Тоҷикистон амалӣ намудан, нигаҳдорӣ, бақайдгирӣ ва истифодаи ҳуҷҷатҳои бойгонии тартибдодашуда;
- мутобиқи тартиби муқарраргардида таъсис додани нишонҳои хизмати шоиста ва мукофотҳои идоравӣ ва бо онҳо сарфароз гардонидани кормандон барои комёбиҳо дар бахши муқарраргардидаи фаъолият;
- барои баррасӣ ва такмили масъалаҳо дар соҳаи муқарраргардидаи фаъолият ҷалб намудани ташкилотҳои илмӣ, дигар ташкилот, олимон ва муттахассисон;
- таъсис додани шӯроҳо, комиссияҳо, гурӯҳҳо, аз ҷумла байниидоравӣ, дар соҳаи муқарраргардидаи фаъолият;
- баррасии арзу шикоят- иттилооту маълумот, маводҳо оид ба санҷиши фаъолияти молиявию хоҷагӣ, маводҳо оид ба тафтишоти хизматӣ нисбат ба хизматчиёни давлатӣ вобаста ба ҳуқуқвайронкуниҳои коррупсионӣ
- вобаста ба баррасии аризаҳо ва иттилооти бо тартиби муқарраргардида ба қайд гирифташуда оид ба ҳуқуқвайронкуниҳо, салоҳияти худ мутобиқи қонунгузории ҷумҳурии Тоҷикистон гузаронидани таҳқиқ ё ревизия аз рӯи ин ҳуқуқвайронкуниҳо, таъмин намудани ревизияи фаъолияти молиявию иқтисодӣ ва санҷишҳои андози шахсони ҳуқуқӣ ва воқеии субъектҳои соҳибкорӣ сарфи назар аз шакли моликият ва намуди фаъолияти онҳо;
- мувофиқи тартиби муқаррарнамудаи қонунгузории ҷумҳурии Тоҷикистон дар ҳолати санҷиш ва ё тафтишоти пешакӣ дархост намудан ва гирифтани асл ва нусхаҳои қарорҳо, фармоишҳо, фармонҳо, ҳуҷҷатҳо ва маводи хизматӣ, иттилооти оморӣ ва дигар ҳуҷҷатҳои зарурии вобаста ба коррупсия аз тамоми мақомоти давлатӣ, ташкилотҳои ҷамъиятӣ, ҳизбҳои сийсӣ, бонкҳо, корхонаҳо, муассисаҳо ва дигар ташкилотҳо сарфи назар аз шаки тобеият ва моликият ва шахсони мансабдори онҳо, оид ба масъалаҳои агентӣ
- ба Президенти ҷумҳурии Тоҷикистон манзур намудани пешниҳодҳо оид ба масъалаҳои таъси, азнавташкилдиҳӣ ва барҳамдиҳии мақомоти Агентӣ васохторҳои тобеи он, инчунин таҳкими ташкилию штатӣ, кадрӣ ва моддию техникии мақомоти он;
- ба Президенти ҷумҳурии Тоҷикистон пешниҳод намудани маълумот ва хулосаҳо оид ба натиҷаҳои фаъолияти таҳлилию назоратӣ ва иҷрои буҷети давлатӣ дар соли сипаришуда, инчунин ба Маҷлиси намояндагони Маҷлиси Олии ҷумҳурии Тоҷикистон манзур намудани ҳисоботи ҷамъбастии солона оид ба натиҷаҳои ревизия ва санҷишҳои гузаронидашуда;
- иштирок дар таҳияи санадҳои меъёрии ҳуқуқӣ оид ба масъалаҳои таъмини амнияти иқтисодии давлат, назорати давлатии молиявӣ ва дигар масъалаҳо;
- бо тартиби муқарраргардида ба роҳ мондани ҳамкорӣ бо мақомоти дахлдори давлатҳои хориҷа ва ташкилотҳои байналмилалӣ оид ба масъалаҳои назорати давлатии молиявӣ ва коррупсия;
- иҷрои ӯҳдадориҳо оид ба созишномаҳои байналмилалӣ ва санадҳои ҳуқуқии байналмилалии мубориза бо коррупсия, ки ҷумҳурии Тоҷикистон эътироф намудааст;
- дар асоси санадҳои ҳуқуқии байнидавлатӣ анҷом додани мубодилаи тарафайни иттилоот оид ба муносибатҳои иқтисодии шахсони воқеӣ ва -ҳуқуқии ҷумҳурии Тоҷикистон бо шахсони воқеӣ ва ҳуқуқии дигар давлатҳо;
- ташкил ва истифодаи системаҳои иттилоотӣ барои ҳалли вазифаҳои гузошташуда.
4. Кормандони Агентӣ ваколатҳои худро, ки қонунгузории ҷумҳурии Тоҷикистон ва ҳамин Низомнома пешбинӣ мекунад, татбиқ намуда, ҳамчунин ҳуқуқ доранд:
- мутобиқи қонуни ҷумҳурии Тоҷикистон "Дар бораи милитсия" ва тибқи номгӯи вазифаҳо, ки Директори Агентӣ тасдиқ мекунад, яроқи оташфишон, воситаҳои махсусро нигоҳ доранд, бо худ гирифта гарданд ва истифода баранд;
- тибқи қонунгузории ҷумҳурии Тоҷикистон чорабиниҳои оперативию ҷустуҷӯӣ, овардан, дастгир намудан ва ҳабс намудан, таҳқиқ ва тафтишоти пешакӣ бо мақсади ошкор, тафтиш, огоҳ намудан ва пешгирии коррупсия, ҷиноятҳои вобаста ба андоз ва дигар ҳуқуқвайронкуниҳои иқтисодии хусусияти коррупсионидошта ва ҳамчунин таъмини амнияти фаъолияти кормандони Агентиро гузаронанд;
- ба таъмини ҳифзи иҷтимоӣ, кафолатҳо, ҳимояи ҳуқуқӣ, ҳифзи саломатӣ ҳуқуқ доранд.
III. Ташкили фаъолияти Агентӣ
5. Ба Агентӣ Директор сарварӣ менамояд, он онро Президенти ҷумҳурии Тоҷикистон ба вазифа таъин ва аз вазифа озод менамояд. Директори Агнетӣ бевосита ба Президенти ҷумҳурии Тоҷикистон итоат мекунад.
Агентӣ дар ҳайати 7 нафар аз ҷумлаи роҳбарият аз рӯи вазифа ва сардорони сарраёсатҳо ва раёсатҳо, ки бо пешниҳоди Директори Агентӣ аз ҷониби Президенти ҷумҳурии Тоҷикистон таъин мегарданд, ҳайати мушовара дорад.
Директори Агентӣ се муовин, аз ҷумла як муовини аввал дорад, ки аз ҷониби Президенти ҷумҳурии Тоҷикистон ба вазифа таъин ва аз вазифа озод карда мешаванд. Муовинони Директори Агентӣ бевосита ба Директори он тобеъ буда, фаъолият ва коргузории Агентиро дар доираи ӯҳдадориҳои вазифавии худ ташкил ва амалӣ менамоянд.
Директори Агентӣ роҳбарии соҳаи фаъолияти ба ӯ супурдашударо анҷом медиҳад ва барои иҷрои супоришу ӯҳдадориҳои ба зиммаи он гузошташуда масъулияти шахсӣ дошта, дараҷаи масъулияти муовинон, сардорони сарраёсатҳо, раёсатҳо, шӯъбаҳо ва роҳбарони дигар воҳидҳои онро муқаррар менамояд. Директори Агентӣ аз ҷиҳати сатҳи таъминоти моддию техникӣ ва хизматрасонии тиббӣ ба муовини Сарвазири ҷумҳурии Тоҷикистон баробар мебошад.
6. Директори Агентӣ:
- вазифаҳоро байни муовинони худ тақсим мекунад;
- дастурамали хизматии воҳидҳои сохториро муайян ва тасдиқ менамояд ва тартиби истифодаи ҳуқуқҳои воҳидҳои сохториро муқаррар менамояд;
- кормандонро ба вазифа таъин ва аз вазифа озод менамояд;
- масъалаҳои ҳавасмандгардонӣ, расонидани кӯмаки моддиро ҳал менамояд ва ба кормандон ҷазоҳои интизомӣ таъин менамояд;
- харҷнома ва ҷадвали штатҳои Агентиро дар доираи фонди пардохти музди меҳнат ва шумораи кормандони аз ҷониби Президенти ҷумҳурии Тоҷикистон муқарраргардида харҷномаи нигаҳдории онро дар доираи маблағҳои барои давраи дахлдор тасдиқгардида, ки дар буҷети ҷумҳуриявӣ пешбинӣ шудаанд, тасдиқ менамояд;
- нақшаи кори ҳарсола, инчунин ҳисобот оид ба иҷрои онро ба тасдиқи Президенти ҷумҳурии Тоҷикистон пешниҳод менамояд;
- тибқи тартиби муқарраргардида лоиҳаҳои қонунҳо, фармонҳо ва амрҳои Президенти ҷумҳурии Тоҷикистон, қарорҳо ва фармоишҳои ҳукумати ҷумҳурии Тоҷикистонро оид ба масъалаҳои марбут ба салоҳияти он таҳия ва барои баррасӣ пешниҳод менамояд;
- Агентиро дар мақомоти ҳокимияти давлатии ҷумҳурии Тоҷикистон ва дар хориҷа намояндагӣ менамояд;
- дар ҷаласаҳои Шӯрои амнияти ҷумҳурии Тоҷикистон ва ҳукумати ҷумҳурии Тоҷикистон иштирок менамояд;
- дар доираи ваколатҳои муқарраргардида ба воҳидҳои сохтории он, супоришҳо медиҳад ва иҷрои онҳоро назорат менамояд;
- қарорҳои хилофи қонунгузории ҷумҳурии Тоҷикистон қаблунамудаи воҳидҳои сохтории Агнетиро бекор мекунад, агар тартиби дигари бекор кардани онҳо муқарра нашуда бошад;
- ба Президенти ҷумҳурии Тоҷикистон дар бораи ба кормандон додани рутабаҳои махсуси ҳайати олии роҳбарикунанда ва дар бораи сарфарозгардонии онҳо бо мукофотҳои давлатии ҷумҳурии Тоҷикистон пешниҳодот манзур менамояд;
- дар доираи ваколатҳои худ, мутобиқи санадҳои меъёрии ҳуқуқии ҷумҳурии Тоҷикистон кормандонро бо медалҳои ҷашнӣ ва Нишони сарисинагии "Аълочии мақомоти назорати давлатии молиявӣ ва мубориза бо коррупсия" сарфароз мегардонад ва ба онҳо рутбаҳои махсуси дахлдор медиҳад (
- фармонҳои дорои хусусияти меъёрӣ ва ғайримеъёрӣ доштаро дар доираи салоҳияти худ қабул менамояд.
7. Номгӯи мансабҳои ҳайати роҳбарикунандаи олии Агентӣ ва рутбаҳои махсуси ба онҳо мувофиқро Президенти ҷумҳурии Тоҷикистон тасдиқ менамояд.
8. Фаъолияти меҳнатии кормандони Агентӣ тибқи қонунгузорӣ дар бораи хизмати давлатӣ ва дигар санадҳои меъёрии ҳуқуқӣ анҷом дода мешавад.
9. Маоши кормандони Агентӣ аз ҷониби Президенти ҷумҳурии Тоҷикистон муқаррар карда мешавад.
10. Агентӣ шахси ҳуқуқӣ буда, мӯҳри дорои тасвири Нишони давлатии ҷумҳурии Тоҷикистон ва номи худ ба забонҳои давлатӣ, русӣ ва англисӣ, Нишони худ, мӯҳрҳо, штампҳо вабланкҳои дахлдор дорад, аз ҳисоби буҷети ҷумҳуриявӣ дар сатри алоҳида маблағгузорӣ мешавад (
11. Агентӣ ҳуқуқи идоракунии оперативии амволи махсусро дорад ва ин амвол моликияти давлатӣ мебошад.
12. Меъёри воситаҳои нақлиёти хизматӣ, боркаш ва дигар навъи нақлиётро барои Агентӣ ҳукумати ҷумҳурии Тоҷикистон муқаррар менамояд.
13. Маҳали ҷойгиршявии Агентӣ ҷумҳурии Тоҷикистон, шаҳри Душанбе мебошад.
________________________________________________________________________________
Замимаи 2
Бо Фармони Президенти
ҷумҳурии Тоҷикистон
аз 10 январи соли 2007 № 143
тасдиқ шудааст
Сохтори дастгоҳи марказии Агентии назорати давлатии молиявӣ ва мубориза бо коррупсияи ҷумҳурии Тоҷикистон
(Фармони Президенти ҷТ 17.09.2012 № 1351)
Роҳбарият
Сарраёсати назорати давлатии молиявӣ
Сарраёсати мубориза бо коррупсия ва ҷиноятҳои иқтисодии характери коррупсионидошта
Сарраёсати пешгирии коррупсия
Раёсати тафтишот
Раёсати оперативии махсус
Раёсати ташкили кор ва назорат
Раёсати кадрҳо
Раёсати амнияти дохилӣ
хориҷ карда шуд
Раёсати молиявию хоҷагӣ
Раёсати таҳлил, иттилоот ва омор
Шӯъбаи чорабиниҳои оперативӣ
Шуъбаи навбатдории оперативӣ ва изолятори (тавқифгоҳи) нигоҳдории муваққатӣ
Шуъбаи коргузорӣ ва қабули муроҷиатҳои шахсони воқеӣ ва ҳуқуқӣ
Ёрдамчиёни директори Агентӣ оид ба супоришҳои махсус
Бахши коргузории махфӣ
Бахши тиббӣ (
________________________________________________________________________________
Замимаи 3
Бо Фармони Президенти
ҷумҳурии Тоҷикистон
аз 10 январи соли 2007 № 143
тасдиқ шудааст
Нақшаи идоракунии Агентии назорати давлатии молиявӣ ва мубориза бо коррупсияи ҷумҳурии Тоҷикистон
1. Дастгоҳи марказӣ
2. Раёсати Агентӣ
3. Раёсати Агентӣ дар вилояти Хатлон ва шӯьбаи минтақавии он дар шаҳри Кӯлоб
4. Раёсати Агентӣ дар вилояти Суғд ва шӯъбаи минтақавии он дар водии Зарафшон (
5. Раёсати Агентӣ дар шаҳри Душанбе
6. Шуъбаи минтақавии Агентӣ дар ноҳияҳои водии ҳисор
7. Шуъбаи минтақавии Агентӣ дар минтақаи Рашт
№826
